İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 94 Hüküm no: 56 Orijinal metin no: [20b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. eş-Şeyh Süleyman Rüşdü Efendi’nin yedinde olan vakfiyenin ibkasının istendiği Vakfiyeyi kalemine kayd istid‘âsı Sâdır olan fermân-ı âlîlerine imtisâlen sâhib-i arzuhâl eş-Şeyh Süleyman Rüşdü Efendi’nin yedinde olup işbu sene-i mübâreke Şevvalü’l-mükerreminin dokuzuncu günü târihiyle müverraha ve hâlâ İstanbul’da Ahi Çelebi Mahkemesi nâibi müderrisîn-i kirâmdan Mustafa Nazîf Efendi dâ‘îlerinin imzâ ve hatmini hâviye bir kıt‘a nukūd vakfiyesine nazar ve mine’l-matla‘ ile’l-makta‘ mütâla‘a olundukda mazmûnu şer‘-i şerîfe mutâbık ve sebk ü serdi kāide-i fenn-i sakke muvâfık olup ihticâca sâliha ve kayda lâyıka olmağla ber-vech-i istid‘â vakfiye-i mezkûre bi-ibâretihâ Anadolu Muhâsebesi’ne kayd ile yedinde ibkā ve tevliyeti’çün dahi bir kıt‘a berât-ı şerîf-i âlî-şân sadaka ve ihsân buyurulmak iktizâ eylediği İstanbul Mahkemesi’nden huzûr. Fî Gurre-i Z sene [1]241