İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 95 Hüküm no: 58 Orijinal metin no: [21a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kadırga Limanı yakınında Nahılbend civarında maktul Nahılcı Mustafa’nın karısının mahalleden ihracının istendiği Maktûl Nahılcı nâm şakīnin zevcesini mahalleden ihrâc istid‘âsı Ma‘rûz İstanbul’da Kadırga Limanı kurbünde Nahılbend civârında vâkı‘ ashâb-ı arzuhâl Kâtib Sinan Mahallesi İmâmı Osman Efendi ve vezîr çukadârânından Mustafa Ağa ve Osman Ağa ve es-Seyyid İsmail Efendi ve oturakçı Hasan Ağa ve es-Seyyid Mehmed Tahir Efendi ve oturakçı es-Seyyid Mustafa Ağa ve balmumcu İbrahim Ağa ve oturakçı Mehmed Ağa ve Ahmed Ağa ve Ali Ağa ve sâirleri meclis-i şer‘-i münîrde mahalle-i mezbûre ahâlîsinden derûn-ı arzuhâlde mezkûretü’l-ism mu‘arrefetü’z-zât Âişe nâm-ı diğer İftâde bt. Abdullah muvâcehesinde mezbûre-i İftâde’nin zevci derûn-ı arzuhâlde mastûru’l-ism Nahılcı Mustafa nâm şakī bi-hamdillâhi Teâlâ bu defa bâ-irâde-i kātı‘a-i hazret-i milkdârî kahr ve tedmîr kılınan gürûh-ı bâğiyenin ser-gerde ve menba‘-ı fesâd ve mel‘anetleri olduğundan i‘dâm ile mahallemiz sâye-i merhamet-vâye-i hazret-i zıllullâhîde tathîr olunmuş ise de menhûs-ı merkūmun zevcesi mezbûre İftâde dahi mahallemizde iskân olunması bizlere mûcib-i tevahhuş ve müteneffir olduğundan bahisle mahalle-i mezbûreden hurûcunu cümlesi bi’l-ittifâk iltimâs eylediklerinde mezbûre dahi târih-i i‘lâmdan üç gün mürûrunda menzilinden hurûc ve âhar mahalle nakle müte‘ahhide olduğu İstanbul Mahkemesi’nden huzûr. Fî 3 Z sene [1]241