İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 99 Hüküm no: 64 Orijinal metin no: [22a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrail İskelesi’nden buğday, arpa, sade yağ, kereste vs. yüklenerek İstanbul’a gönderilen geminin salimen İstanbul’a ulaştığı İbrail İskelesi’nden vürûd eden zehâir Ma‘rûz İşbu takrîr bâlâsına sâdır olan fermân-ı âlîlerine imtisâlen işbu sene-i mübâreke mahsûlâtından İbrail İskelesi’nden sefâine tahmîl ve Dersaâdet’e tesbîl kılınan revgan-ı sâde ve çervîş ve don ve hınta ve şaîr ve tersâne-i âmireye müretteb kereste ve zehâir-i sâirenin kemiyyet ve mikdârını mübeyyin ve der-dest olan kırk yedi kıt‘a irsâliye tezkireleri kapan-ı dakīk ve kapan-ı asel nâibleri dâ‘îlerine irsâl ile defter-i vâridât tetebbu‘ ettirildikde cümlesi âminen ve sâlimen Âsitâne-i aliyye lâ-zâlet masûneten ani’l-âfât ve’l-beliyye cânibine vâsıl olmuş olduğu ihbâr olunduğu ve sâlifü’z-zikr kereste husûsu dahi tersâne-i âmire tarafından isti‘lâm buyurulmak iktizâ eylediği İstanbul Mahkemesi’nden huzûr. Fî Selh-i Za sene [1]241