İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 108 Hüküm no: 75 Orijinal metin no: [24b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Osman’ın hasmını mahkemeye getirtmesi gerektiği Ma‘rûz Sâdır olan fermân-ı âlîlerine imtisâlen işbu arzuhâl ve derkenâra nazar olundukda Gemlik kazâsında vâkı‘ Yedikule Ağası ve Solakbaşı Mehmed Ağa Câmi‘-i Şerîfi’nde vazîfe-i mu‘ayyene ile imâmet ve hitâbet cihetlerine mutasarrıf olan sâhib-i arzuhâl Ahmed b. Osmân nâm kimesne ciheteyn-i mezkûreteyni bundan akdem Saîd b. Eyyûb’a kasr-ı yed etmiş ise de hüsn-i rızâsıyla olmayıp kerhen olmuş olduğu beyânıyla ref‘inden kendüye ibkā olunmasını istid‘âsından ibâret olup lâkin muktezâ-yı şerî‘at-i Muhammediye üzere gıyâb-ı hasmla hükm-i şer‘î terettüb etmemekle bu sûretde eylediği kerih da‘vâsı hasm-ı merkūma zafer buldukda bi’l-müvâcehe terâfü‘-i şer‘-i şerîfe muhtâc idüğü İstanbul Mahkemesi’nden huzûr. Fî 15 Z sene [1]241