İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 113 Hüküm no: 80 Orijinal metin no: [25b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Matbah-ı Âmire’de Türlücü Süleyman Ağa b. Rüstem’in, Ali Ağa b. Ebî Bekir’den alacağı olduğu Ma‘rûz Sâhib-i arzuhâl matbah-ı âmirede Türlücü Süleyman Ağa b. Rüstem meclis-i şer‘-i münîrde derûn-ı arzuhâlde ismi mezkûr zeyt-yağcı Ali Ağa b. Ebî Bekir muvâcehesinde merkūm Ali Ağa zimmetinde cihet-i <> karz-ı şer‘îden bâ-temessük yüz doksan altı guruş alacak hakkım olmağla meblağ-ı merkūm tahsîl olunmak matlûbumdur deyu da‘vâ ettikde ol-dahi meblağ-ı merkūm cihet-i mezkûreden zimmetinde müdde‘î-i merkūma deyni olduğunu tâyi‘an ve kat‘iyyen ikrâr ve i‘tirâf etmekle alâ-mûcebi ikrârihî meblağ-ı merkūm yüz doksan altı guruşun müdde‘î-i merkūm Süleyman Ağa’ya edâsıyla merkūm Ali Ağa ilzâm olunduğu İstanbul Mahkemesi’nden huzûr. Fî 17 min Zilhicce sene 1241