İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 124 Hüküm no: 95 Orijinal metin no: [29a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva bt. Abdullah için boşandığı Hasan b. Mehmed üzerine iddet nafakası takdiri Ma‘rûz Sâhibe-i arzuhâl mu‘arrefetü’z-zât Zenciye Havvâ bt. Abdullah nâm hatun meclis-i şer‘-i münîrde mezbûrenin mevlâsı olup ba‘de’l-ı‘tâk tezevvüc ve ba‘dehû tatlîk eden derûn-ı arzuhâlde mezkûrü’l-ism esirci tâifesinden Ahıskalı Hasan b. Mehmed nâm kimesne muvâcehesinde mezbûr Hasan ile zevciyyet beynimizde kāime iken mezbûrun firâşından hâsıl batnımda müstebîn hamlim olmağla vaz‘-ı haml ile iddetim inkızâsına değin kendi nafakam için mezbûr Hasan üzerine kıbel-i şer‘den kadr-i ma‘rûf meblağ farz ve takdîr olunmak matlûbumdur dedikde ol-dahi ba‘de’t-tasdîk mezbûre Havvâ Hatun’un vaz‘-ı haml ile iddeti münkaziyye oluncaya değin nafakası’çün mezbûr Hasan üzerine kıbel-i şer‘den bi’t-terâzî târih-i kitâbdan beher yevm altmışar akçe farz ve takdîr olunup meblağ-ı mefrûz-ı mezkûru vaz‘-ı haml ile iddeti inkızâsına değin kendi nafaka ve sâir levâzım-ı zarûriyyesine harc ve sarfa ve lede’l-hâce istidâneye inde’z-zafer mezbûr Hasan üzerine rucû‘a mezbûre Zenciye Havvâ Hatun’a izin verildiği İstanbul Mahkemesi’nden huzûr. Fî 25 Z sene [1]241