İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 126 Hüküm no: 97 Orijinal metin no: [29b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdülhalim Efendi b. Mustafa’nın, Kuyumcu Simon v. Apik’e bir hançer sipariş ettiğini iddia ettiği, Kuyumcu Simon’un iddiayı reddettiği Ma‘rûz Sâhib-i arzuhâl Abdülhalim Efendi b. Mustafa meclis-i şer‘-i münîrde İstanbul’da Çukacılar Hânı’nda mütemekkin kuyumcu esnâfından derûn-ı arzuhâlde ismi mastûr Simon v. Apik zimmî muvâcehesinde işbu târihden beş sene mukaddem bir hançer i‘mâl etmek için malımdan mersûm Simon zimmîye yüz yirmi aded Macar altını ile beher dirhemi kırkar para kıymetli yüz yirmi dirhem hâlis sîm ve seksen guruş kıymetli bir taban tîğ ve kırk yedi buçuk guruş kıymetli yaldızlık hurde altın teslîm edip lâkin zimmî-i mersûm hançer i‘mâliyle bana red ve teslîm etmeyip istihlâk etmekle zikr olunan altının misillerini ve eşyâ-i sâire-i mezkûrenin dahi kıymetlerini mersûm Simon zimmîden zamânen taleb ederim deyu da‘vâ ettikde ol-dahi külliyen inkâr etmeğin müdde‘î-i mezbûr Abdülhalim Efendi da‘vâ-yı mezkûresini bir vechile isbâta kādir olamayıp talebiyle mesfûr Simon zimmîye bi’l-müvâcehe vech-i şer‘î üzere yemîn verilmeğin mûcebince mezbûr Abdülhalim Efendi da‘vâ-yı mezkûresiyle mersûm Simon zimmîye bilâ-beyyine mu‘ârazadan men‘ olunduğu İstanbul Mahkemesi’nden huzûr. Fî 4 Z sene [1]241