İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 128 Hüküm no: 99 Orijinal metin no: [30a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Feleknaz bt. Abdullah’ın, Mehmed Şerif Ağa elindeki oğlunun serbest bırakılmasını istediği Ma‘rûz Sâhibe-i arzuhâl zâtı mu‘arrefe Fâtıma nâm-ı diğer Feleknâz bt. Abdullah meclis-i şer‘-i münîrde silâhşorân-ı hâssadan Kuzguncuk’da sâkin Yenişehir Fenârlı Mehmed Şerif Ağa b. el-Hâc Ahmed muvâcehesinde ben bundan akdem mezbûr Mehmed Şerif Ağa’nın câriye-i memlûkesi ve oğlum işbu hâzır-ı bi’l-meclis Mustafa dahi abd-i memlûku iken eşkıyâ-yı Rum işbu târihden altı sene mukaddem mütemekkinler olduğumuz Mora cezîresinde vâkı‘ Gördos kasabasını istîlâ ve beni seby edip dâr-ı harbe götürdükden sonra ben dâr-ı harbden ibâk edip dâr-ı İslâm’a geldiğimde işbu yedimde olup İstanbul Bâb Mahkemesinde murâfa‘adan verilen i‘lâm-ı şer‘î ve fetvâ-yı şerîfe üzere istirkākım câiz olmamağla sebîlim tahliye olunmuşdu lâkin işbu târihe dek sekiz on seneden beri merkūm Mehmed Şerif Ağa oğlum merkūmu istihdâm etmiş iken ehl-i mürüvvet olmadığından hâlâ âzâd ve ı‘tâk etmemekle oğlum mezbûru beher hâl âzâd etmesi’çün mezbûr Mehmed Şerif Ağa’ya cebr olunmak murâdımdır dedikde mezbûr Mehmed Şerif Ağa ı‘tâk etmem deyu ısrâr etmeğin bu sûretde bu makūle müddet istihdâm olunan gulâm ya ı‘tâk yahud ehl-i merhamet bir adama bey‘ ile dînimin emr-i müstehab ve mesûbât-ı celîleden olup lâkin mezbûre Fâtıma cebre şer‘an kādire olmadığı kendüye tefhîm olunduğu ma‘lûm-ı devletleri buyuruldukda ol-bâbda ve her hâlde emr u fermân hazret-i veliyyü’l-emrindir. Fî 7 Z sene [12]41