İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 132 Hüküm no: 103 Orijinal metin no: [31a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tütüncü Barsıh v. Ohan’ın alacak davasında sözlü olarak kefâletin geçerli olmadığı Ma‘rûz Derûn-ı arzuhâlde mezkûr Tütüncü Barsıh v. Ohan zimmî meclis-i şer‘-i münîrde sâhib-i arzuhâl Apostol v. Tohari zimmî muvâcehesinde gāib ani’l-meclis Anaştaş zimmî zimmetinde tütün semeninden bâkī alacağım olan bin yüz otuz dört guruşu mücerred mersûm Apostol zimmî benden al demek ile meblağ-ı mezkûru mesfûrdan taleb ederim deyu takrîr-i meşrûh üzere mesfûrun kelâmı şer‘an elfâz-ı kefâletden olmayıp va‘d kabîlinden olmağla tasaddî eylediği da‘vâsı mesmû‘a olmadığı müdde‘î-i mezbûr Barsıh zimmîye tefhîm ve da‘vâ-yı mezkûresiyle mersûm Apostol zimmîye bî-vech-i şer‘î mu‘ârazadan men‘ olunduğu İstanbul Mahkemesi’nden huzûr. Fî 28 Z sene [1]241