İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 133 Hüküm no: 105 Orijinal metin no: [31b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. es-Seyyid Mustafa b. Yusuf’un, Yuna v. Kostandi’de kalan 450 kuruş alacağını talep ettiği 450 guruş hüküm Ma‘rûz Derûn-ı arzuhâlde mastûru’l-ism es-Seyyid Mustafa b. Yusuf meclis-i şer‘-i münîrde sâhib-i arzuhâl keresteci Yuna v. Kostandi zimmî muvâcehesinde mersûm Yuna zimmî zimmetinde bundan akdem malımdan ve yedimden iştirâ ve kabz eylediği ma‘lûmü’l-mikdâr ve’l-fiy’ât tuğla ve kiremit semenlerinden bâkī alacağım olan yedi yüz kırk dört guruşun iki yüz dört guruşunu ahz ve doksan guruşunu dahi rızâmla hat ve tenzîl etmemle bâkīsi olan dört yüz elli guruşu mersûmdan taleb ederim deyu da‘vâ ol-dahi ber-vech-i muharrer ikrâr ve i‘tirâf ve meblağ-ı bâkī-i mezkûr dört yüz elli guruşu târih-i i‘lâmdan on beş gün mürûrunda tamâmen müdde‘î-i mezbûra edâ ve teslîme ta‘ahhüd eylediği İstanbul Mahkemesi’nden huzûr. Fî 29 Z sene [1]241