Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 354 Hüküm no: 395 Orijinal metin no: [63a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nakkaş Musa Bey vakıf menzili mütevelliliğine Mustafa Çelebi b. Mehmed’in tayin edildiği Mahmiye-i İstanbul’da Nahılbend mahallesinde vâki‘ merhûm nakkāş Musa Bey nâm sâhibü’l-hayr[ın] vakf eylediği menzilin mütevellîsi olan Mehmed fevt olup yeri hâlî ve hizmeti mu‘attal kalmağın işbu râfi‘ü’l-kitâb Mustafa Çelebi b. Mehmed nâm kimesne müstakīm ve her vech[ile] tevliyyet uhdesinden gelmeğe kādir olduğu zeyl-i kitâb-ı müstetâbda mastûrü’l-esâmî olan müslimîn ihbârlarıyla mezbûr Mustafa Çelebi menzil-i mezbûra hasbî mütevellî nasb ve ta‘yîn olundukda ol dahi tevliyyet-i mezbûreyi kabûl ve merâsimini kemâ yenbağī edâ etmeyi ta‘ahhüd etmeğin işbu vesîka-i enîka ketb ve imlâ ve yedine vaz‘ olundu. Fi’l-yevmi’s-sâmin ve’l-ışrîn min şehri Recebi’l-ferd li sene seb‘a ve tis‘în ve elf. Şuhûdü’l-hâl: Mehmed Efendi b. Sefer, Mustafa Çelebi b. Murad, el-Hâc Sâlih b. Receb, Ahmed Beşe b. Abdullah, Ahmed Efendi b. Yusuf, Mehmed Efendi b. Yusuf el-İmâm.