İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 140 Hüküm no: 113 Orijinal metin no: [33b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Toros v. Serovpe’nin Pandeli v. Aleksi’de 283 kuruş alacağı olduğu, tarafların 80 kuruşa sulh oldukları 80 guruşa sulh Ma‘rûz Sâhib-i arzuhâl Toros v. Serovpe zimmî meclis-i şer‘-i münîrde derûn-ı arzuhâlde mesfûru’l-ism Pandeli v. Aleksi zimmî muvâcehesinde mersûm Pandeli zimmî zimmetinde ber-mûceb-i temessük cihet-i karzdan alacağım olan iki yüz seksen üç guruşu mersûmdan taleb ederim deyu tasaddî eylediğim da‘vâmdan mesfûr ile bi’t-tav‘ ve’r-rızâ seksen guruşa sulh olduğumda ol-dahi sulh-i mezkûru ba‘de’l-kabûl mâ‘adâya ve bi’l-cümle husûs-ı mezkûra müte‘allıka âmme-i da‘vâdan tarafeynden her birimiz âharın zimmetini kabûlü hâvî ibrâ ve ıskāt eyledik deyu ba‘de’l-ikrâr ve’t-tasdîk ibrâdan müstesnâ bedel-i sulh merkūm seksen guruşun bi’t-taleb müdde‘î-i mesfûra edâsıyla mersûm Pandeli zimmî ilzâm olunduğu İstanbul Mahkemesi’nden huzûr. Fî 27 Z sene [12]41