İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 150 Hüküm no: 125 Orijinal metin no: [37a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Kürkçü esnafından Kirkor v. Artin’in, Kahveci Selim Ağa b. İbrahim zimmetinde 114 kuruş alacağı olduğunu iddia ettiği
114 guruş men‘
Ma‘rûz
Kürkçü esnâfından arzuhâl eden Kirkor v. Artin nâm zimmî meclis-i şer‘-i münîrde derûn-ı arzuhâlde mezkûrü’l-ism Kahveci Selim Ağa b. İbrahim nâm kimesne muvâcehesinde mezbûr Selim Ağa zimmetinde târih-i i‘lâmdan iki sene mukaddem yedimden ve malımdan iştirâ ve kabz eylediği bir takım nîm pehle yaka ve Zağra ve tahta Rumeli nâfesi kürk semeninden alacak hakkım olan yüz on dört guruşu mezbûrdan hâlâ taleb ederim deyu da‘vâ ettikde ol-dahi inkâr etmekle müdde‘î-i mersûm Kirkor zimmî ber-vech-i muharrer da‘vâsını isbât edemeyip talebiyle merkūm Selim Ağa’ya bi’l-müvâcehe vech-i şer‘î üzere yemîn verilmeğin mûcebince müdde‘î-i mersûm Kirkor zimmî da‘vâ-yı mezkûresiyle mezbûr Selim Ağa’ya bilâ-beyyine mu‘ârazadan men‘ olunduğu İstanbul Mahkemesi’nden huzûr.
Fî Selh-i Zilhicce sene 1241
|