İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 155 Hüküm no: 131 Orijinal metin no: [38a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Mustafa Ağa b. Osman’ın, Abdi Ağa b. Mustafa’dan 200 kuruş alacağı olduğu 200 guruş hüküm Ma‘rûz Dârussa‘âdetü’ş-şerîfe ağası yazıcısı teberdârlarından el-Hâc Mustafa Ağa b. Osman nâm kimesne meclis-i şer‘-i münîrde leblebiciler kethüdâsı sâbık Abdi Ağa b. Mustafa nâm kimesne muvâcehesinde mezbûr Abdi Ağa zimmetinde işbu yedimde olup bin iki yüz kırk senesi Recebü’l-ferdin on beşinci günü târihiyle müverrah merkūmun mühr ve imzâsını hâvî ma‘nûn ve mersûm bir kıt‘a deyn temessükü nâtık olunduğu üzere yedimden ve malımdan iktirâz ve kabz eylediği iki yüz guruş alacak hakkım olmağla meblağ-ı mezkûru mezbûr Abdi Ağa’dan hâlâ taleb ederim deyu da‘vâ ol-dahi cevâbında kaziyye minvâl-i meşrûh üzere olduğunu ikrâr ve i‘tirâf etmeğin alâ-mûceb-i ikrârihî meblağ-ı mezkûr iki yüz guruşun müdde‘î-i mezbûr Mustafa Ağa’ya edâ ve teslîmiyle merkūm Abdi Ağa ilzâm olunduğu İstanbul Mahkemesi’nden huzûr. Fî 28 Zilka‘de sene [1]241