İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 165 Hüküm no: 141 Orijinal metin no: [41b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manok v. Şahin’in, tülbentçi ve sair esnafa olan borçlarının esnaf tarafından ertelendiği Tülbentçi Manok zimmînin guremâsı Ma‘rûz Tülbentçi Manok v. Şahin zimmînin ber-vech-i âtî dâyinlerinden olup sarık başı i‘mâli ücretinden yüz on iki guruş alacak hakkının kırk dört guruş otuz iki parasını kabz-birle mâ‘adâsı olan altmış yedi guruş sekiz parayı si‘a-i hâle tevfîk eden Kızlar Ağası Hânı’nda sâkin sarıkçı Ali b. İbrahim ve yemeni basması ücretinden yüz guruş alacak hakkının kırk guruşunu kabz-birle mâ‘adâsı olan altmış guruşu kezâlik si‘a-i hâle tevkîf eden Üsküdarî İsmail Ağa b. Abdullah nâm kimesneler ile malından ve yedinden iştirâ ve kabz eylediği top ve ecnâs ve fiy’âtı beynlerinde ma‘lûm tülbent semeninden bin dört yüz guruş alacak hakkının beş yüz altmış guruşu kabz ile mâ‘adâsı olan sekiz yüz kırk guruşu si‘a-i hâle tevkîf eden Astarcılar Hânı’nda mütemekkin Tülbentçi Mihal v. Toma ve yemeni basması ücretinden dört yüz kırk guruş alacak hakkının yüz yetmiş altı guruşunu kabz-birle mâ‘adâsı olan iki yüz altmış dört guruşu si‘a-i hâle tevkîf efen basmacı Sergiz v. Toros ve malından ve yedinden iştirâ ve kabz eylediği top ve ecnâs ve fiy’âtı beynlerinde ma‘lûm tülbent semeninden bâkī üç yüz elli beş guruş alacak hakkının yüz kırk iki guruşunu kabz ile mâ‘adâsı olan iki yüz on üç guruşu si‘a-i hâle tevkîf eden Markar v. Abraham ve malından ve yedinden iktirâz ve kabz eylediği üç yüz guruş alacak hakkının yüz yirmi guruşunu kabz-birle mâ‘adâsı olan yüz seksen guruşu si‘a-i hâle tevkîf eden Lâleli kurbünde Çukurçeşme’de mütemekkin Berber Kirkor v. Avanes ve malından ve yedinden iştirâ ve kabz eylediği top ve ecnâs ve fiy’âtı beynlerinde ma‘lûm tülbent semeninden iki yüz guruş alacak hakkının seksen guruşunu kabz ile mâ‘adâsı olan yüz yirmi guruşu si‘a-i hâle tevkîf eden Uzunçarşı’da mütemekkin Tülbentçi Asvador v. Melkon ve yemeni basması ücretinden yüz iki guruş alacağının kırk guruş otuz iki parasını kabz-birle mâ‘adâsı olan altmış bir guruş sekiz parayı si‘a-i hâle tevkîf eden Kosti v. Nikola ve malından ve yedinden iştirâ ve kabz eylediği aded ve fiy’âtı beynlerinde ma‘lûm tülbent semeninden otuz beş guruş alacak hakkının on dört guruşunu kabz-birle mâ‘adâsı olan yirmi bir guruş si‘a-i hâle tevkîf eden Tülbentçi Artin v. Agop nâm zimmîler ve cihet-i karzdan bâ-i‘lâm-ı şer‘î mahkûmun-bih bin sekiz yüz yirmi guruş alacağının yedi yüz yirmi sekiz guruşunu kabz-birle mâ‘adâsı olan bin doksan iki guruş si‘a-i hâle tevfîk eden Şalcı Ohan zevcesi demekle arîfe şahsı mu‘arrefe Hurubsima bt. Mikayil ve yine cihet-i karzdan bâ-i‘lâm-ı şer‘î mahkûmun-bih iki yüz yirmi altı guruş alacağının doksan guruş on altı parasını kabz-birle mâ‘adâsı olan yüz otuz beş guruş yirmi dört parayı si‘a-i hâle tevfîk eden Alacacı Karabet zevcesi demekle arîfe kezâlik mu‘arrefetü’ş-şahs Hanima bt. Kirkor ve yine cihet-i karzdan yedi yüz guruş alacağının iki yüz seksen guruşunu kabz-birle mâ‘adâsı olan dört yüz yirmi guruş si‘a-i hâle tevkîf eden kezâlik şahsı mu‘arrefe Arıtukiye bt. Ohan nâm nasrâniyelerden her biri savb-ı şer‘-i enverden me’zûnen irsâl olunan Kâtib es-Seyyid Ahmed Rıza Efendi’nin İstanbul’da Çarşı-yı Kebîr’de Astarcılar Hânı’nda vâkı‘ tülbentçi esnâfının lonca odasında akd eylediği meclis-i şer‘-i şerîf-i enverde medyûnları mesfûr Manok zimmî muvâcehesinde bizim mersûm Manok zimmetinde ber-vech-i bâlâ hakkımız olan cem‘an beş bin yedi yüz doksan guruşun iki bin üç yüz on altı guruşunu vech-i meşrûh üzere garâmeten biz def‘ ve teslîm eylediğinde biz dahi yedinden ahz ve kabz ve bâkīsi olan cem‘an üç bin dört yüz yetmiş dört guruşu ber-minvâl-i meşrûh mesfûr Manok zimmînin si‘a-i hâline tevkîf eyledik deyu ikrâr ve tasdîklerini kâtib-i mezbûr mahallinde ketb ve tahrîr ve ma‘an meb‘ûs ümenâ-i şer‘le meclis-i şer‘-i şerîfe gelip alâ-vukū‘ihi inhâ ve takrîr eylediği mübâşirleri dîvân-ı âlî çavuşlarından Hisarlı Osman Çavuş kulları yediyle İstanbul Mahkemesi’nden huzûr. Fî 29 L sene 1241