Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 357 Hüküm no: 399 Orijinal metin no: [63b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rahime bt. Hidayet’in küçük oğlunu terbiyesi için Ayşe bt. Hacı İbrahim’e vermesi Mahmiye-i İstanbul’da Debbâğzâde Hasan Çelebi mahallesinde sâkine olup Rahime bt. Hidâyet nâm hâtun meclis-i şer‘-i şerîf-i enverde bâ‘isetü’l-kitâb Ayşe bt. el-Hâc İbrahim nâm hâtun mahzarında takrîr-i kelâm edip sadrî oğlum işbu meclisde müşâhed iki aylık olan Mehmed b. Hüseyin nâm sagīri terbiyye için mezbûre Ayşe’ye teslîm ol dahi kabz ve tesellüm eyledikde sagīr-i mezbûrun nafaka ve kisve ve sâir levâzım-ı zarûriyyesi için yevmî beşer akçe farz ve takdîr edip harc ve sarfa ve lede’l-ihtiyâr istidâne ve bana râci‘ine izn ve icâzet ver[d]im dedikde gıbbe’t-tasdîk mezbûre Ayşe Hâtun dahi eğer sagīr-i mezbûru mezbûre Rahime Hâtun benden taleb ve ahz etmezsiz meblağ-ı mefrûzu da‘vâ ve taleb etmemek üzre ta‘ahhüd etmeğin mâ vaka‘a bi’t-taleb ketb olundu. Fi’l-yevmi’r-râbi‘ min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: El-Hâc Mustafa [b.] Tevekkül, Hüseyin b. Mustafa, Ali b. Bâli, Hüseyin Efendi Kâtib.