İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 58 Hüküm no: 3 Orijinal metin no: [1b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Efendi Vakfı vakfiyesinin Anadolu Muhasebesi’ne kaydı için beratının istendiği Ma‘rûz Sâdır olan fermân-ı âlîlerine imtisâlen medîne-i Burdur Nâibi es-Seyyid Hâfız Mustafa Efendi dâ‘îlerinin mührü mutâbık-ı der-dest olup sahib-i arzuhâl es-Seyyid eş-Şeyh Mustafa Efendi’nin tertîb eylediği nakd ve kütübhâne vakfının sene-i sâbıkā Recebi’nin on beşinci günüyle müverraha bir kıt‘a vakfiyesine ez-ibtidâ tâ-intihâ nazar ve mutâla‘a olundukda mazmûnu şer‘-i şerîfe mutâbık ve serd ü sebki fenn-i sakke muvâfık olarak ihticâca sâliha ve kayda lâyıka olmağla ber-vech-i istid‘â Anadolu Muhâsebesi’ne kayd ile yedinde ibkā ve tevliyeti’çün dahi şurûtu üzre yedine berat-ı celîlü’l-unvân i‘tâ buyurulmak bâbında emr u fermân hazret-i veliyyü’l-emrindir. Fî 7 M sene [1]242