İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 77 Hüküm no: 28 Orijinal metin no: [5b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ebniye-i mîrîyenin ibadullaha zarar verecek surette olduğu ve bu zararın definin lazım geldiği İstanbul Kādısı Fazîletlü Efendi ve İzzetlü Şehremîni Efendi Meâl-i arzuhâl ve derkenârlara nazaran husûs-ı mezkûra bir müddetden beri bakılmayarak mugāyir-i nizâm ve inhisâr-ı bey‘ ü şirâyı müeddî bir keyfiyet olduğunu zâhir ve bu sûret ise ebniye-i mîrîye ve ibâdullâha küllî mazarrâtı müstelzim <> idüğü emr-i bedîhî ve bâhir olmağla hâssa mi‘mârı ağa ve Silâhşör Mustafa Bey ve Ali Efendi ile keresteci esnâfı ve vukūf-ı tâmmı olan mu‘teber tüccâr kalfalarını celb ile meâl-i istid‘â ve derkenârları bi’l-mütâla‘a ve keyfiyeti bi’l-müzâkere nizâm-ı kadîmimiz halelden ve ebniye-i mîrîye ve ibâdullâha zarardan vikāyeten sûret-i hüsn-i nizâmını i‘lâma mübâderet eyleyesin deyü. Fî 12 M sene [1]242