İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 84 Hüküm no: 36 Orijinal metin no: [7b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Esirci esnafı bünyesinden ihraç olunan Hacı Ömer Ağa’yı, esnafının tekrar içlerine aldığı Matrûd Esîrci Hacı Ömer Ağa’yı esnâfı ke’l-evvel içlerine aldığı Ma‘rûz Esîrci tâifesinden sahib-i arzuhâl el-Hâc Ömer Ağa b. Yusuf meclis-i şer‘-i münîrde tâife-i mezbûre kethudâsı el-Hâc Osman Ağa ve ihtiyârlarından Sirkecizâde Hasan Ağa ve Rizeli Memiş Ağa ve el-Hâc Yusuf Ağa ve Ahıskavî Salih Ağa ve Ka[r]slı Hasan Bey ve sâirleri muvâcehelerinde ben esir pazarında oda sahibi esirci tâifesinden olup ancak tâife-i merkūme bundan akdem ba‘zı esbâba mebnî beni içlerinden ihrâc etmişler idi el-hâletü hâzihî beynimiz te’lîf olunarak tâife-i merkūme beni kemâ-fi’s-sâbık içlerine alıp kā‘ide-i mer‘iyye üzre kethudâ-yı mezbûr tekeffül ve der-dest olan esnâf defterine kaydettirmeğe ta‘ahhüd ben dahi fîmâ-ba‘d hilâf-ı rızâ ve mugāyir-i nizâm hareket etmemeğe ta‘ahhüd eyledim deyü takrîrini kethudâ ve tâife-i merkūmeden her biri tasdîk ve külliyen kat‘-ı nizâ‘ eyledikleri İstanbul Mahkemesi’nden huzûr. Fî 16 M sene 1242 [Beyaz Beyaz]