İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 102 Hüküm no: 55 Orijinal metin no: [11a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abraham v. Serkiz’in, İstefan v. Kalaf adına kayıtlı bogasıcı gediğini Haçador v. Asvador’a sattığı Bogāsıcı gediği mübâya‘ası ve ismine kaydı Bogāsıcı Vanlı Kazer <> oğlu Abraham v. Serkiz nâm zimmî meclis-i şer‘-i münîrde yine esnâf-ı merkūmeden Haçador v. Asvador nâm zimmî muvâcehesinde mahmiye-i İstanbul’da Mahmud Paşa Câmi‘-i şerîfi kurbünde Rüstem Paşa merhûmun evkāfı müsakkafâtından Sultân Odaları demekle meşhûr hânın hâricinde kâin altı bâb dükkânlardan sol tarafda kapı ittisâlinde vâki‘ bir bâb bogasıcı dükkânı derûnunda mevcûde kaleminde İstefan v. Kalaf zimmî ismine mukayyed akd-i âti’z-zikr sudûruna değin bâ-i‘lâm-ı şer‘î şirâen yedimde mâlım olan beyne’l-esnâf gedik ta‘bîr olunur âlât-ı lâzıme-i ma‘lûmeyi tarafeyden bi’l-îcâb ve’l-kabûl şurût-ı müfsideden ârî bâtten ve sahîhan bi-safkatin vâhidetinbin iki yüz guruş semen-i medfû‘ ve makbûza mersûm Haçador zimmîye bey‘ ve temlîk ve teslîm eylediğimde ol dahi ba‘de’l-iştirâ ve’t-temellük ve’t-tesellüm ve’l-kabz ve’l-kabûl bey‘-i mezkûrun tağrîr ve gabnine müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve ıskāt eyledik ba‘de’l-yevm âlât-ı lâzıme-i ma‘lûmede benim asla ve kat‘â alâka ve medhalim kalmayıp mesfûr Haçador zimmînin mal-ı müşterâsı ve hakk-ı sırfı olmuşdur deyü ba‘de’l-ikrâr ve’t-tasdîk âlât-ı lâzıme-i mezkûrenin kaleminde mukaddemâ mersûm İstefan zimmî üzerinde olan kayd-ı atik-i ref‘ ve terkīn ve mersûm <> Haçador zimmî ismine kayd ile yedine müceddeden bir kıt‘a sûret i‘tâ buyurulmasını mersûm <> Haçador zimmî istid‘â ve istid‘âsı şurût-ı nizâma muvâfık olduğunu hazır bi’l-meclis mazbûtü’l-esâmî esnâf ihbâr eyledikleri İstanbul Mahkemesi’nden huzûr-ı âlîlerine i‘lâm olundu. Fî 23 M sene 1242