Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 363 Hüküm no: 409 Orijinal metin no: [65a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsak v. Mosi’nin câriyesi Hatice’yi Hacı Musa b. Mehmed’e sattığı Havâss-ı Aliyye kazâsı müzâfâtından kasaba-i Hasköy’de sâkin İsak v. Mosi nâm yahudi meclis-i şer‘-i şerîf-i enverde işbu râfi‘ü’l-kitâb el-Hâc Musa b. Mehmed nâm kimesne mahzarında ikrâr-ı sahîh-i şer‘î ve i‘tirâf-ı sahîh-i mer‘î kılıp câriye-i memlûkem işbu açık kaşlı ala gözlü orta boylu Rûsiyyetü’l-asl olup Hatice tesmiye olunan câriye yedimde şeref-i İslâm ile müşerref olmağla müslime bey‘i lâzım gelmeğin mevsûfe-i mezbûre nidâ ve müzâyede olundukda on dört bin yüz akçede mezbûr el-Hâc Musa üzerinde karâr edip ziyâde ile tâlib-i âhar olmamağla mevsûfe-i mezbûreyi mezkûr el-Hâc Musa’ya meblağ-ı mezbûra bey‘ ve temlîk ve teslîm ol dahi iştirâ ve kabûl ve temellük ve tesellüm eyledikden sonra semeni olan meblağ-ı mezbûr on dört bin yüz akçeyi yedinden tamâmen ahz u kabz eyledim ba‘de’l-yevm câriye-i mezbûre mülk-i müşterâsıdır dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâdis min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Haseki İbrahim Bey b. Hasan, du‘âcı Ahmed Çelebi, Hüseyin Efendi b. Abdülvehhâb, Bezzâ[zi]stân kethüdâsı Mehmed Ağa, Hüseyin b. Bayram.