Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 364 Hüküm no: 411 Orijinal metin no: [65a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali Ağa b. Süleyman’ın eşi Ümmügülsüm bt. Mehmed’e kendisiyle ortak olduğu evdeki hissesini hibe etmesi Zikri âtî husûsun mahallinde ketb u tahrîri iltimâs olunmağın savb-ı şer‘-i şerîf-i Nebevîden irsâl olunan Mevlânâ Mehmed Efendi mahmiye-i İstanbul’da Davudpaşa mahallesinde vâki‘ Ali Ağa b. Süleyman’ın sâkin olduğu menzile varıp zeyl-i kitâb-ı müşgîn-nikābda mektûbü’l-esâmî müslimîn huzûrlarında akd-i meclis-i şer‘-i Mustafavî ettikde, mezbûr Ali Ağa meclis-i ma‘kūd-ı mezkûrda zevcesi işbu sâhibetü’l-kitâb Ümmügülsüm bt. Mehmed nâm hâtun mahzarında ikrâr-ı tâm ve takrîr-i kelâm edip zevcesi mezkûre Ümmügülsüm ile ale’l-iştirâki’s-seviy mülkümüz olup mahalle-i mezbûrede vâki‘ iki tarafı Aşçı Ali Ağa odaları ve bir tarafı tarîk-i âm ile mahdûd dâhiliyyesi bir bâb tahtânî oda ve bir sofa ve bir matbah ve bir su kuyusu ve cüneyne ve kenîf ve hâriciyyesi bir bâb tahtânî oda ve bir sofa ve bir ahır ve kenîfi müştemil mülk menzilinde olan nısf-ı şâyi‘i bi cümleti’t-tevâbi‘ ve’l-levâhık tarafeynden îcâb ve kabûlü hâvî şurût-ı müfsideden ârî bey‘-i bâtt-ı sahîh-i şer‘î ile yüz elli guruşa zevcem mezkûre Ümmügülsüm’e bey‘ ve temlîk ve teslîm ol dahi vech-i meşrûh üzre iştirâ ve temellük eyledikden sonra semeni olan meblağ-ı mezkûr yüz elli guruş hibetü’d-deyn mimmen aleyhi’d-deyn sahîhatün mısdâkınca mezbûre Ümmügülsüm’e hibe-i sahîha-i şer‘iyye ile hibe ve temlîk ol dahi meclis-i hibede ittihâb ve kabûl eyledi fîmâ ba‘d menzil-i mahdûd-ı mezkûrûn mecmû‘u zevcem mezkûre Ümmügülsüm’ün mülk-i sahîhi olup ( ). [65b] <>