İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 201 Hüküm no: 139 Orijinal metin no: [30b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Galata sakinlerinden Nefise bt. Hüseyin’in, Şerife Ayşe bt. Mehmed’in altınlarını çaldığı iddiasını ispat edemediği Rûmî ve İstanbul zer-i mahbûbu ve fındık altınları men‘i Ma‘rûz Mahrûse-i Galata’da Arab Câmi‘i kurbünde sâkine sahibe-i arzuhâl mu‘arrefetü’z-zât Nefise bt. Hüseyin nâm hatun meclis-i şer‘-i münîrde derûn-ı arzuhâlde mezkûreti’l-ism kezâlik mu‘arrefetü’z-zât Şerife Âişe bt. es-Seyyid Mehmed nâm hatun <> muvacehesinde mezbûre Şerife Âişe Hatun mahrûse-i mezbûrede sâkine olduğum menzilimde müste’cirim olup târih-i i‘lâmdan on gün mukaddem ben menzilde yoğiken mâlım olup beşik şiltesi altında yeşil dülbend derûnunda mevzû‘ yirmi aded Rûmî ve beş aded İstanbul zer-i mahbûbu ve ikisi bir yerde dört aded fındık altınlarımı bi-gayr-ı hakkın ahz ve yedinde olmağla mezbûre Şerife Âişe Hatun’dan taleb ederim deyü ba‘de’d-da‘vâ ve’l-inkâr müdde‘iyye-i mezbûre ber-vech-i muharrer müdde‘âsına ikāmet-i beyyine edemeyip bi’t-taleb mezbûre Şerife Âişe Hatun bi’l-muvâcehe vech-i şer‘î üzre tahlîf olunmağın mûcibince müdde‘iyye-i mezbûre Nefise Hatun’a da‘vâ-yı mezkûresiyle mezbûre Şerife Âişe Hatun’a bilâ-beyyine mu‘ârazadan men‘ olunduğu İstanbul Mahkemesi’nden huzûr. Fî 12 R sene 1242