İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 233 Hüküm no: 172 Orijinal metin no: [36a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anaştaş v. Todori’nin, Anaştaş v. Avram’a bakkalık ortaklığından 640 guruş borcu olduğu 640 guruş hüküm Derûn-ı arzuhâlde mastûrü’l-ism Bakkal Anaştaş v. Avram nâm zimmî meclis-i şer‘-i münîrde sâbıkā şerîki Araboğlu diğer Anaştaş v. Todori nâm zimmî muvâcehesinde mersûm Anaştaş zimmî ile bir müddet bakkāllık ticâretinde şerîkler olup ba‘dehû fesh-i akd-i şirket-birle hesâbımızı rü’yet eylediğimizde benim mersûmun zimmetinde re’s-i mâl ve fâide-i hâsıladan zuhûr eden bin guruşun üç yüz altmış guruşunu bana edâ ve îfâ etmekle bâkīsi olan altı yüz kırk guruşu mersûmdan taleb ederim deyü da‘vâ ol dahi ber-vech-i muharrer ikrâr ve i‘tirâf etmeğin alâ-mûcibi i‘tirâfihî meblağ-ı bâkī-i merkūm altı yüz kırk guruşun müdde‘î-i mersûm Anaştaş zimmîye edâsıyla mesfûr diğer Anaştaş zimmî ilzâm olunduğu İstanbul Mahkemesi’nden huzûr. Fî 28 R sene 1242