İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 260 Hüküm no: 201 Orijinal metin no: [41a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Beylerbeyi’ndeki kasap dükkânı gediğinin yarı hissesine tasarruf eden Kasap Yani b. Dimo’nun ölümü ile hissesinin kızlarına intikal ettiği Evlâdına kasab gediği intikāli Ma‘rûz Hudâvendigâr-ı esbak cennet-mekân firdevs-âşiyân merhûm ve mağfiret-nişân Sultân Abdülhamid Han -tâbe serâhu- hazretlerinin evkāf-ı şerîfeleri mülhakātından Yedikule hâricinde kâin gayrı-ez selhhâne-i mîrî on aded ganem selhhânelerinden ikinci selhhâneye merbût kasab dükkânlarından Beylerbeyi’nde kâin ma‘lûmü’l-hudûd bir bâb kasab dükkânı derûnunda mevcûde beyne’l-esnâf gedik ta‘bîr olunur vakıf âlât-ı lâzıme-i ma‘lûmenin nısf hisse-i şâyi‘asına bâ-temessük-i mütevellî mutasarrıf olan Kasab Yani v. Dimo zimmî hâlik olup nısf gedik-i mezkûr sulbiye üç nefer kızları kebîre Toto ve Hayid Nasrâniyeler ile sagīre Vasilo’ya âdiyen intikāl eylediğini Yedikule kassâbânı kethudâsı el-Hâc Hasan Ağa ve mazbûtü’l-esâmî kasab ustaları ihbâr etmeleriyle zikrolunan nısf gedik âlâtı babaları hâlik-i mersûm Yani zimmî intikālinden kızları mesfûrât üzerlerine defter-i vakf-ı müşârün-ileyhe kayd ve yedlerine taraf-ı vakıfdan temessük i‘tâ buyurulmak iktizâ eylediği İstanbul Mahkemesi’nden huzûr. Fî 19 min-Ca sene 1242