Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 371 Hüküm no: 420 Orijinal metin no: [67a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Aynî bt. Süleyman’ın Hacı Ali b. Mehmed’den muhâlaa yoluyla boşandığı Mahmiye-i İstanbul’da Üsküblü mahallesi sâkinelerinden Aynî bt. Süleyman nâm hâtun meclis-i şer‘-i şerîf-i enverde zevc-i dâhili bâ‘isü hâze’l-kitâb el-Hâc Ali b. Mehmed nâm kimesneler mahzarında ikrâr ve takrîr-i kelâm edip zevcim mezbûr el-Hâc Ali zimmetinde mütekarrir ve ma‘kūdun-aleyh olan altı bin akçe mehr-i müeccelim ve nafaka-i iddet-i ma‘lûmem üzerlerine me’ûnet-i süknâm dahi kendi üzerime olmak üzre mezbûr el-Hâc Ali ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eylediğinden sonra hukūk-ı zevciyyete ve gayra müte‘allika âmme-i da‘vâdan her birimiz âharın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledik dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâmin min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: El-Hâc Mehmed b. Nasreddin, el-Hâc Mustafa b. Tevekkül, İsmail Çelebi b. Mehmed, Hüseyin Çelebi b. Mustafa, Mehmed Çelebi [b.] Ali.