İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 275 Hüküm no: 217 Orijinal metin no: [43b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Said Efendi’nin, Ali b. Hasan ve Hasan Ağa b. Mehmed’e iki oturakçı dükkânını kiraya verdiği İki bâb oturakçı dükkânları îcârı Ma‘rûz Muhâsebe-i evvel kalemi ketebesinden sahib-i arzuhâl es-Seyyid el-Hâc Mehmed Said Efendi b. es-Seyyid el-Hâc Mehmed Emin meclis-i şer‘-i münîrde oturakçı tâifesinden Ali Efendi b. Hasan ve Hasan Ağa b. Mehmed muvâcehelerinde İstanbul’da Ebulfeth Sultân Mehmed Han -tâbe serâhu- Hazretleri Câmi‘-i şerîfi kurbünde Malta Çarşısı’nda kâin bi’l-icâreteyn [taht-ı] tasarrufumda olup mezbûrânın müste’ciren sâkin oldukları ma‘lûmü’l-hudûd iki bâb oturakçı dükkânında hâmiş-i arzuhâlde mastûr Başmuhâsebe derkenârı mantûkunca mukayyed ve mu‘teber gedik olmadığından fesh-i akd-i icâre ile ihrâclarını istid‘â etmişdim el-hâletü hâzihî ben zikrolunan iki bâb dükkânları işbu bin iki yüz kırk iki senesi Cumâdelâhire gurresinden i‘tibâr ile her birini aded-i şuhûr beyân olunmaksızın şehriye üçer buçuk guruş kadîm kirâlarıyla yine merkūmân Ali Efendi ve Hasan Ağa’ya îcâr ve teslîm eyledim dedikde onlar dahi istîcâr ve kabûl edip bu vechile beynleri musâfât olunduğu İstanbul Mahkemesi’nden huzûr. Fî-gurreti C sene 1242