İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 284 Hüküm no: 226 Orijinal metin no: [45b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Regaib Gecesi, minarelerdeki kandillerin yakılmasına dair hüküm Leyle-i Regāib i‘lâmı Bâ-sahh-ı âlî İstanbul kādısı fazîletlü efendi İşbu i‘lâmını hâk-i pây-i hümâyûn-ı tâc-dârîye lede’l-arz leyle-i mezkûre-i mübârekede îkād-ı kanâdîl olunmak için kayyûmbaşılara tenbîh oluna deyü hatt-ı hümâyûn-ı şâhâne şeref-yâfte-i sudûr olmağla mantûk-ı münîfi icrâ eyleyesin deyü buyruldu. Fî 4 B sene 1242 Dergâh-ı felek-makām ve bârgâh-ı süreyyâ-nizâm türâbına ma‘rûz-ı abd-i dâ‘î-i sıdk-irtisâm oldur ki Târih-i hicret-i neyyir-i sipihr-ıstafâ aliyye ve alâ-âlihî ve ashâbihî es-seniyyü’s-salavât ve’t-tehâyâ mâ tale‘a‘-ı necm-i fi’s-semâ Efendimiz Hazretlerinin fi’l-hakīka mebde’-i târih-nizâm-ı âlem olan işbu bin iki yüz kırk iki sâl-i zafer-iştimâlinin Cumâdelâhire gurresi rü’yet-i hilâl-i mes‘adet-meâl ile Sebt gününden idüğü ber-vetîre-i sahîha-i şer‘iye cerîde-i sebt-i tescîl olup binâ-perîn [berîn] tekmîl-i sülüseyn ile işbu İsneyn günü gurre-i garrâ-yı Recebi’l-mürecceb ve şehr-i mezkûrun ibtidâki Cum‘a gecesi leyle-i Regāib-i feyz-meşreb -zâdehullâhi te‘âlâ şerefen ve kadren- olmağla deydene-i dîrîne-i Devlet-i Aliyye -dâmet-mansûratihî bi’l-inâyeti’r-Rabbâniye- üzre leyle-i bî-veyle-i merkūmede berâ-yı tenvîr-i uyûn-ı Müslimîn bi’l-cümle minârât ve me‘âbid iştigāl-i [işti‘âl-i] kanâdîl-i kamer-adîl ile tezyîn olunmak bâbında fermân-ı cihân-mutâ‘ sudûru iktizâ eylediği İstanbul Mahkemesi’nden südde-i sedîde-i felek-mesîllerine i‘lâm olundu ol bâbda emr u fermân hazret-i veliyyü’l-emrindir. Fî-gurreti Recebi’l-ferd li-seneti’l-mezkûreti’l-mübâreke.