İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 286 Hüküm no: 228 Orijinal metin no: [46a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dimitri v. Yani’nin, Nikoli v. Kostantin ile 300 guruşa sulh olduğu 300 guruşa sulh Ma‘rûz Sahib-i arzuhâl Dimitri v. Yani zimmî meclis-i şer‘-i münîrde mukaddemâ eniştesi derûn-ı arzuhâlde mezkûru’l-ism Nikoli v. Kostantin zimmî muvâcehesinde [G]alata Kısmet Mahkemesi’nden hâmiş-i arzuhâle derkenâr olunan mazbata kaydında muharrer Drahoma ta‘bîr olunur akçeden mâ‘adâ ben kendi mâllımdan mersûm Nikoli zimmîye karz verip ol vechile zimmetinde hakkım olan bin yedi yüz bir guruşu mesfûrdan hâlâ taleb ederim deyü tesâddî eylediğim da‘vâmdan bi’t-tav‘ ve’r-rızâ mersûm ile üç yüz guruş bedel-i medfû‘ ve makbûza sulh olduğumda ol dahi sulh-ı mezkûru ba‘de’l-kabûl ziyâdesine ve bi’l-cümle husûs-ı mezkûra ve sâir cemî‘ hukūk-ı şer‘iyeye müte‘allika da‘vâdan tarafeynden her birimiz âharın zimmetini kabûlü hâvî ibrâ ve ıskāt eyledik deyü ikrâr ve tasdîkleri İstanbul Mahkemesi’nden huzûr. Fî 29 C sene 1242 Nüshateyn