İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 287 Hüküm no: 229 Orijinal metin no: [46a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Tanaş v. Nikola’nın, Edhem Ağa’ya verdiği 375 guruşu tecil ve taksit eylediği 375 guruş tecîl Ma‘rûz Bakkal Tanaş v. Nikola zimmî meclis-i şer‘-i münîrde Humbaracı Mustafa b. Ömer muvâcehesinde merkūm Mustafa zimmetinde bi-şartı’r-rücû‘ emriyle mâlımdan dâyini hazır bi’l-meclis Edhem Ağa’ya verdiğim üç yüz yirmi beş guruş ve umûr-ı ma‘lûmesine sarf eylediğim elli guruş ki cem‘an bi’l-mürâca‘a hakkım olan üç yüz yetmiş beş guruşu def‘aten edâya kudreti olmadığından beher şehr onar guruş vererek mecmû‘unu târih-i i‘lâmdan otuz yedi buçuk ay hitâmına değin tamamen bana edâ etmek üzre rızâmla mezbûru tecîl ve taksît eyledim dedikde ol dahi deyn-i meblağ-ı mezkûru ikrâr ve ecl-i mezkûru kabûl ve ber-vech-i muharrer müeccelen edâ-i deyne ta‘ahhüd eylediği İstanbul Mahkemesi’nden huzûr. Fî-gurreti B sene [1]242