Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 372 Hüküm no: 422 Orijinal metin no: [67a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bayezid Camii avlusunda çeyrekçilerin et satmalarına engel olunmaması Çeyrekçi tâifesinden olup mahmiye-i İstanbul’da Akseki mahallesinde sâkin Mehmed b. Mustafa ve Emir Buharî mahallesinde sâkin Ramazan b. Mehmed ve Hoca Kasım mahallesinde sâkin Mustafa b. Mehmed nâm kimesneler meclis-i şer‘-i şerîfde her biri takrîr-i kelâm ve ta‘bîr ani’l-merâm edip kadîmden olageldiği üzre mahmiye-i mezbûrede Sultan Bayezid-i Velî câmi‘-i şerîfi havlusunda vaz‘ ve her vakıyyesi narh-ı cârîden bir akçe noksân olmak üzre lahm-ı ganem bey‘ edip ziyâdeye bey‘ etmemek üzre her birimiz âhara kefîl olup ve üçümüze dahi işbu hâzır bi’l-meclis mezbûr Akseki mahallesinde sâkin Mehmed Çelebi b. Ahmed kefîl olmuşdur hâlâ kasab tâife[si] mâni‘ olmamak üzre taraf-ı şer‘den vesîka ketb olundu. Fi’l-yevmi’t-tâsi‘ min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Mustafa Çelebi b. el-Hâc Ahmed, el-Hâc Mustafa b. Tevekkül, İbrahim Çelebi b. Ahmed, Mahmud b. Hasan.