İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 302 Hüküm no: 246 Orijinal metin no: [48b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Esma bt. Ali’nin, Ebubekir Ağa b. Mehmed Said’den alacağı üç bin guruşu ertelediği 3000 guruş imhâl Ma‘rûz İstanbul’da Ma‘cûncu kurbünde Yayla nâm mahâlde sâkine Osman Ağa zevcesi mu‘arrefetü’z-zât Şerife Esma bt. es-Seyyid Ali nâm hatun meclis-i şer‘-i enverde Mısır Çarşısı attarlarından Ebûbekir Ağa b. Mehmed Said nâm kimesne muvâcehesinde mezbûr Ebûbekir Ağa zimmetinde cihet-i karzdan hakkım olan üç bin guruşu def‘aten edâya kudreti olmadığından beher şehr yirmi beşer guruş verip mecmû‘unu târih-i i‘lâmdan yüz yirmi ay hitâmına değin tamamen bana edâ etmek üzre rızâmla mezbûru imhâl ve te’hîr eyledim dedikde ol dahi meblağ-ı mezbûru ikrâr ve i‘tirâf ve mühlet-i mezkûreyi kabûl ve ber-vech-i muharrer muahharan edâ-i deyne ta‘ahhüd eylediği İstanbul Mahkemesi’nden huzûr-ı âlîlerine i‘lâm olundu. Fî 5 min-Recebi’l-ferd sene 1242 [Beyaz Beyaz]