İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 329 Hüküm no: 274 Orijinal metin no: [53b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tabancacı esnafının, İbrahim Ağa’yı tabancacı gediğini satmakta serbest bıraktıkları Tabancacı dükkânı maddesi Ma‘rûz Âsitâne-i aliyyede vâki‘ tabancacı esnâfı kethudâsı Süleyman Ağa ve yiğitbaşısı Mehmed Ağa ve sâbık kethudâ diğer Mehmed Ağa ve esnâfından Hasan ve Mehmed ve Osman nâm kimesneler ve sâirleri meclis-i şer‘-i münîrde es-Seyyid İbrahim Ağa b. es-Seyyid Ali muvâcehesinde İstanbul’da Parmakkapı kurbünde karakolhâne ittisâlinde vâki‘ bir bâb vakıf tabancacı dükkânı bâ-temessük-i mütevellî bi’l-icâreteyn merkūm es-Seyyid İbrahim Ağa’nın tasarrufunda ve derûnunda mevcûde gedik ta‘bîr olunan âlât-ı <> ma‘lûme dahi bâ-hüccet-i şer‘iye mâlı olup ancak mezbûr es-Seyyid İbrahim Ağa bu def‘a gedik-i mezkûru âhar esnâfa bey‘ murâd eder bizim de gediklerimiz aklâm-ı şâhânede mukayyed yahud âhara verilmemesi’çün bir emr ve nizâm olmadığından esnâfca bir diyeceğimiz ve bir gûne dahl ve ta‘arruzumuz yokdur dilediği gibi zabt ve tasarruf eylesin dedikleri hıfzan li’l-makāl İstanbul Mahkemesi’nden huzûr-ı âlîlerine i‘lâm olundu. Fî 15 B sene 1242 [Beyaz Beyaz]