İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 332 Hüküm no: 279 Orijinal metin no: [54b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sipah Pazarı’nda silah sattıkları üç aded dükkânı yanan esnafın, gediklerini başka bir gediğe tahvil edebilecekleri Sipâh Pazarı’nda esliha bey‘ eden üç bâb dükkânı müste’cirleri âhar akāra tebdîli Ma‘rûz Âsitâne-i aliyyede Çarşı-yı Kebîr’de Sipâh Pazarı esnâfından yiğitbaşı Mehmed Ağa b. Ahmed ve Abdullah Ağa b. Ali nâm kimesneler meclis-i şer‘-i münîrde zikri âtî dükkânların bi’l-iştirâk mutasarrıfları es-Seyyid el-Hâc Mehmed Es‘ad Efendi ve es-Seyyid el-Hâc Mehmed Râşid Efendi b. es-Seyyid el-Hâc Mehmed Said taraflarından husûs-ı âtîde tasdîka vekîlleri İsmail Ağa b. Mustafa muvâcehesinde sâlifü’z-zikr Sipâh Pazarı ta‘bîr olunur Kalpakçılarbaşı’nda çeşme karşısında kâin ma‘lûmü’l-hudûd Ayasofya-i Kebîr Vakfı’ndan müvekkilân-ı mûmâ-ileyhimânın bi’l-icâreteyn mutasarrıf oldukları üç bâb dükkânda esnâfımız olup esliha bey‘ ve şirâ eder ba‘zı kimesneler müste’ciren sâkinler iken bu def‘a muhterik ve fevât-ı menfa‘at ile akd-i icâre mütefessiha olduğundan müvekkilân-ı mûmâ-ileyhimâ arsalarına diledikleri gibi akār-ı sâire binâ ve keyfe mâ yeşâ’ân tasarruf murâd etmeleriyle esnâfımızın dahi mu‘teber ve gayrı mu‘teber asla gediğimiz olmadığına binâen müvekkilân-ı mûmâ-ileyhimânın murâd eyledikleri vech üzre tasarruflarına hiçbir dahl ü ta‘arruz eder yokdur deyü takrîrleri hıfzan li’l-makāl İstanbul Mahkemesi’nde tescîl olunduğu huzûr. Fî 8 min-Receb sene 1242