Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 375 Hüküm no: 427 Orijinal metin no: [68a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Mustafa ile Salih Çelebi b. Mehmed’in boşanması Mahmiye-i İstanbul’da Ali Paşa-yı Atîk mahallesi sâkinelerinden olup zâtı ma‘rifet-i şer‘iyye ile ârifân Ahmed Efendi b. Ali ve Ahmed Bey b. Mehmed nâm kimesneler ta‘rîfleriyle mu‘arrefe olan Fâtıma bt. Mustafa nâm hâtun meclis-i şerîf-i enverde zevc-i dâhili bâ‘isü hâze’l-kitâb Sâlih Çelebi b. Mehmed nâm kimesne mahzarında ikrâr ve takrîr-i kelâm edip zevcim mezbûr Sâlih Çelebi zimmetinde mütekarrir ve ma‘kūdun-aleyh olan üç bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Sâlih ile muhâla‘a-i sahîha-i şer‘iyye ile muhâla‘a edip ol dahi ber vech-i muharrer muhâla‘a-i mezbûru kabûl ettikden sonra hukūk-ı zevciyyete müte‘allika âmme-i da‘vâdan her birimiz âharın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledik dedikde gıbbe’t-tasdîki’ş-şer‘î bi’t-taleb ketb olundu. Fi’l-yevmi’l-âşir min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Ahmed Efendi b. Ali, Ahmed Bey b. Mehmed, Mehmed b. Ahmed, Ahmed Beşe b. Mehmed, Ali Çelebi b. Bâli.