İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 344 Hüküm no: 291 Orijinal metin no: [56b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Esma Hanım bt. Süleyman’ın, eşi Süleyman Ağa b. Selim’e açtığı 7000 guruş davasını geri çektiği 7000 guruşu meccânen ibrâ Ma‘rûz İstanbul’da Karagümrük kurbünde Derviş Ali mahallesinde sâkine sahibe-i arzuhâl mu‘arrefetü’z-zât Şerife Esma Hanım bt. es-Seyyid Süleyman meclis-i şer‘-i münîrde hâlâ zevci derûn-ı arzuhâlde mezkûru’l-ism Esîrci Süleyman Ağa b. Selim muvâcehesinde işbu târihden dört sene mukaddem zevcim mezbûr kendüye sermâye etmek için mâlımdan ahz ve âhara bey‘ eylediği bâ-defter-i müfredât Kastamonu astarı ve Mağnisa alacası ve Gördes bezi ve bir ıhlamur sandığın esmânı olan altı bin beş yüz ve yine mâlımdan nakden aldığı beş yüz guruş ki cem‘an yedi bin guruşu kendi umûruna sarfla istihlâk etmekle meblağ-ı mecmû‘-ı merkūm yedi bin <> guruşu zevcim mezbûr Süleyman Ağa’dan zamânen taleb ederim deyü tesâddî eylediğim da‘vâmdan meccânen fâriğa olmamla bi’l-cümle husûs-ı mezkûra ve sâir beynimizde cereyân eden cemî‘ hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ ve ıskāt eyledik deyü takrîrini mezbûr Süleyman Ağa tasdîk eylediği İstanbul Mahkemesi’nden huzûr-ı âlîlerine i‘lâm olundu. Fî 2 Ş sene 1242