İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 369 Hüküm no: 312 Orijinal metin no: [60b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Davud’un, kendisine borcu olan Mehmed b. Süleyman’ınborcunu erteleyip taksitlendirdiği 2500 guruş imhâl ve te’hîr Ma‘rûz Derûn-ı arzuhâlde mezkûru’l-ism Sabuncu Niğdeli Emir Hasan torunu es-Seyyid Mehmed b. Davud nâm kimesne meclis-i şer‘-i enverde Bat Pazarı’nda dellâl Niğdeli sahib-i arzuhâl Fertekli oğlu diğer es-Seyyid Mehmed b. es-Seyyid el-Hâc Süleyman nâm kimesne muvâcehesinde benim merkūm es-Seyyid Mehmed zimmetinde bedel-i sulh-ı sahîhden bâ-i‘lâm-ı şer‘î mahkûmun-bih alacak hakkım olan iki bin beş yüz guruşu mezbûrun hâlâ ve def‘aten bir vechile edâya iktidârı olmayıp ber-vech-i âtî istimhâl eylediğinde ben dahi meblağ-ı mezkûrun beş yüz guruşunu şehr-i âtî Ramazanü’l-mübâreki gurresinde ve bâkī iki bin guruşu dahi iki yüz kırk üç senesi Ramazanü’l-mübâreki gurresinde bana edâ ve teslîm etmek üzre rızâmla medyûnum mezbûru imhâl ve te’hîr eyledim dedikde ol dahi deyn-i meblağ-ı mezkûr iki bin beş yüz guruşu ikrâr ve i‘tirâf ve ber-vech-i muharrer muahharan dâyini müdde‘î-i merkūm es-Seyyid Mehmed’e edâ ve îfâya ba‘de’t-ta‘ahhüd medyûn-ı mezbûrun bacanağı dergâh-ı âlî lağımcı ağalarından es-Seyyid Ahmed Ağa b. es-Seyyid Abdullah nâm kimesne ile zâtları mu‘arrefeler kāyınvâlidesi olup kasaba-i Kasımpaşa’da Serv[i] mahallesinde sâkineler Zeliha bt. Osman ve zevcesi Hadîce bt. Ahmed nâm hatunlardan her biri meclis-i şer‘de merkūm es-Seyyid Mehmed muvâcehesinde medyûn-ı mezbûr diğer es-Seyyid Mehmed hazır olduğu hâlde biz mezbûr diğer es-Seyyid Mehmed’in merkūm es-Seyyid Mehmed’e bedel-i sulh-ı sahîhden zimmetinde deyni olan meblağ-ı mezkûr iki bin beş yüz guruşa tarafeynden bi’l-emr ve’l-kabûl her birimiz başka başka kefâlet-i mutlaka-i sahîha-i şer‘iye ile kefîl ve zâmini[z] deyü mukırrûn-ı küfelâ-i mezbûrûnun bi’l-cümle takrîrini mezbûr es-Seyyid Mehmed ile hâzırı [hazır-ı] medyûn-ı merkūm diğer es-Seyyid Mehmed’den her biri tasdîk ve tahkīk eyledikleri İstanbul Mahkemesi’nden huzûr. Fî 19 Ş sene 1242