İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 372 Hüküm no: 316 Orijinal metin no: [61a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mora muhacirlerinin, devlet tarafından altı aylık ödenen kiralarının bir altı ay daha ödenmesini talep ettikleri Mora muhâcirînin istikrâlarına dâir Ma‘rûz Sâdır olan fermân-ı âlîlerine imtisâlen kuyûda mürâca‘at olundukda Mora muhâcirlerinden olup iskân eylemeleri’çün yirmi hâne istikrâsına bundan akdem irâde-i aliyye ta‘alluk etmekle Ebî Eyyûb Ensârî -radıye anhü Rabbuhi’l-Bârî- hazretlerinin civârlarında olan on dört aded ve Âsitâne-i aliyye dâhilinde altı aded ki cem‘an yirmi aded menâzilin işbu sene-i mübâreke şehr-i Rebî‘ülevvel gurresinden Şa‘bâni’l-mu‘azzamı gāyetine gelince bin iki yüz guruş taraf-ı Devlet-i Aliyye’den ber-vech-i ihsân menâzil-i mezkûre ashâbı yedlerine bâ-defter teslîm olunmuş olduğu sicill-i mahfûzda mastûr olup bu def‘a müddet-i icâre tamam olduğundan menâzil-i mezkûre ashâbı muhâcirîn-i merkūmûnu menâzillerinden ihrâc sadedinde olmalarıyla işbu şehr-i Ramazanü’l-mübâreki gurresinden olarak yine altı aylık olmak üzre ol mikdâr guruş menzil kirâsı ashâbı yedlerine teslîm olunması bâbında muhâcirîn-i mezbûrîn istid‘â-yı inâyet eyledikleri İstanbul Mahkemesi’nden huzûr. Fî-gurreti Şehr-i Ramazanü’l-mübârek sene 1242