İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 376 Hüküm no: 321 Orijinal metin no: [62a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Ağa b. Süleyman’ın, Keresteci Yuvan v. Oseb’e kereste bedeli 1300 guruşu edası gerektiği 1300 guruş hüküm Ma‘rûz Sahib-i arzuhâl Keresteci Arab oğlu Yuvan v. Oseb nâm zimmî meclis-i şer‘-i münîrde derûn-ı arzuhâlde mezkûru’l-ism İbrahim Ağa b. Süleyman nâm kimesne muvâcehesinde târih-i i‘lâmdan beş ay mukaddem mezbûr İbrahim Ağa zimmetinde yedimden ve mâlımdan iştirâ ve kabz eylediği aded ve fiyâtı beynimizde ma‘lûm ecnâs-ı kereste ba‘de külli’l-hesâb dört bin on altı guruş alacak hakkım olup bundan akdemce bana ceste ceste iki bin altı yüz yirmi guruşu edâ-birle bâkīsi olan bin üç yüz doksan altı guruşun dahi doksan altı guruş mutâlebesine müte‘allika da‘vâdan mezbûr İbrahim Ağa’nın zimmetini kabûlü hâvî ibrâ etmemle bâkī kalan bin üç yüz guruş alacak hakkım olmağla meblağ-ı merkūmu müdde‘î-i mesfûra edâsıyla mezbûr İbrahim Ağa ilzâm olunduğu İstanbul Mahkemesi’nden huzûr. Fî 29 Ş sene 1242