Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 378 Hüküm no: 432 Orijinal metin no: [69a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Hüseyin’in alacağını tahsil için Mustafa b. Yusuf’a vekâlet vermesi Mahmiye-i İstanbul’da Beyceğiz mahallesinde sâkin Mehmed b. Hüseyin nâm kimesne meclis-i şer‘-i şerîf[de] râfi‘ü hâze’l-kitâb Mustafa b. Yusuf nâm kimesne mahzarında ikrâr ve takrîr-i kelâm edip gāib ani’l-meclis cilâcılar kethüdâsı Ömer Beşe nâm kimesne zimmetinde olan on beş guruş hakkı mezbûr Ömer Beşe’den taleb ve da‘vâ ve ahz u kabza ve bana îsâle mütevakkıf olduğu umûrun küllîsine tarafımdan mezbûr Mustafa’yı vekîl ve menâbıma nâib nasb ve ta‘yîn eyledim ol dahi vekâlet-i merkūmeyi kabûl ve merâsimini edâya ta‘ahhüd eyledi dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-âşir min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Osman b. Derviş, Hüseyin b. İbrahim, Abdi b. Mahmud.