Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 378 Hüküm no: 433 Orijinal metin no: [69a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Saliha’nın Musa b. Kâmil’den muhâlaa yoluyla boşandığı Mahmiye-i İstanbul’da Kırkçeşme kurbunda sâkine Fâtıma bt. Sâliha nâm hâtun zâtı ma‘rifet-i şer‘iyye ile ârifân olan Ali b. Mustafa ve el-Hâc Mehmed b. Ali nâm kimesneler ta‘rîfleriyle mu‘arrefe oldukdan sonra meclis-i şer‘-i şerîf-i enverde zevci işbu bâ‘isü hâze’l-kitâb Musa b. Kâmil nâm kimesne mahzarında ikrâr ve takrîr-i kelâm edip zevcim mezbûr Musa zimmetinde mütekarrir ve ma‘kūdun-aleyh olan bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr ile muhâla‘a-i sahîha-i şer‘iyye ile muhâla‘a eylediğimden sonra ol dahi hul‘-ı mezbûr[u] ba‘de’l-kabûl hukūk-ı zevciyyete müte‘allika cemî‘ da‘vâdan mezbûr Musa’nın zimmetini ibrâ eyledim dedikde gıbbe’t-tasdîk mâ vaka‘a bi’t-taleb ketb [olundu]. Fi’l-yevmi’l-âşir min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: El-Hâc Mehmed b. Ali, Ahmed Kâmil, Ali Mustafa, Halil b. Sâlih, Ahmed Çelebi b. Abdurrahman.