İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 397 Hüküm no: 346 Orijinal metin no: [65b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa b. Zeynelabidin’in, Hasan Ağa b. Mustafa ile ortağına borcu olmadığı İbrâ-i keresteci Ma‘rûz Âsitâne-i aliyyede vâki‘ Keresteci es-Seyyid el-Hâc Hasan Ağa b. es-Seyyid Mustafa nâm kimesne ile şerîki Marko v. Yasef nâm zimmîden her biri meclis-i şer‘-i münîrde derûn-ı arzuhâlde mezkûru’l-ism es-Seyyid Ahmed Ağa b. Zeynelabidin nâm kimesne muvâcehesinde neccâr kalfalarından sahib-i arzuhâl Lefter v. Panayot zimmî hazır olduğu hâlde mezbûr es-Seyyid Ahmed Ağa’nın İstanbul’da Hocapaşa kurbünde Dâye Hatun mahallesinde vâki‘ bi’l-icâreteyn tasarrufunda olan bir bâb menzili bundan akdem hâzır-ı mersûm Lefter Kalfa bi’l-mukāvele inşâ eylediği esnâda biz dahi mâlımızdan hâzır-ı mersûm Lefter Kalfa’ya kereste bey‘ edip ol vechile ahz u i‘tâ ve hâzır-ı mersûmla olarak diğer arzuhâlde i‘lâm-ı şer‘îye dahi rabt <> olunmuş olmağla husûs-ı mezkûra dâir mezbûr es-Seyyid Ahmed Ağa zimmetinde bir akçe ve bir habbe alacağımız olmamağın bi’l-cümle husûs-ı mezkûra ve sâire müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ ve ıskāt eyledik deyü ikrâr ve tasdîkleri İstanbul Mahkemesi’nden huzûr-ı âlîlerine i‘lâm olundu. Fî 27 Ş sene 1242