İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 423 Hüküm no: 368 Orijinal metin no: [70b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abram v. Arakil ile Manuk v. Agop’un, Simon v. Serkiz’e toplam 986 guruş borçları olduğu 986 guruş hüküm Ma‘rûz Sahib-i arzuhâl Alacacı Simyon v. Serkiz zimmînin cihet-i karzdan arzuhâlde isimleri muharrer Ekmekçi Abram v. Arakil zimmî zimmetinde altı yüz guruş ve Alacacı Manuk v. Agop zimmî zimmetinde dahi üç yüz seksen altı guruş ki cem‘an dokuz yüz seksen altı guruş hakkı olduğu İstanbul Mahkemesi’nde meclis-i şer‘-i hatîr-i lâzımü’t-tevkīrde bi’l-muvâcehe lede’<>l-mürâfa‘a mersûmânın ikrâr ve i‘tirâflarıyla sâbit ve mütehakkık olup bi’t-taleb edâsıyla ilzâm olunmağın bu sûretde meblağ-ı mecmû‘-ı merkūm zimmiyân-ı mesfûrândan tahsîl ve müdde‘î-i mersûma teslîm ettirilmek iktizâ eylediği huzûr-ı âlîlerine i‘lâm olundu. Fî 28 min-L sene 1242