Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 380 Hüküm no: 436 Orijinal metin no: [69b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yamandi v. Kirkor’un câriyesi Eline bt. Bosi’yi azat etmesi Mahmiye-i İstanbul’da Abdi Subaşı mahallesinde sâkin Yamandi v. Kirkor nâm zimmî meclis-i şer‘-i şerîf-i lâzımü’t-tevkīrde ikrâr ve takrîr-i kelâm edip bana rıkkını mu‘terife olan işbu açık kara kaşlı ala gözlü orta boylu Lehiyyetü’l-asl bâ‘isetü’s-sifr Eline bt. Bosi nâm nasrâniye câriyemi lâ li ivazin ‘âcil ve lâ li garazin âcil malımdan tahrîr ve i‘tâk ve zümre-i harâir-i asliyyâta idrâc ve ilhâk eyledim ba‘de’l-yevm mevsûf-ı mezbûre Eline sâir harâir-i asliyyât gibi hürre olup üzerinde velâ-i şer‘îden gayrı hakkım kalmadı dedikde gıbbe’t-tasdîk mâ vaka‘a bi’t-taleb ketb [olundu]. Min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: El-Hâc Mustafa b. Tevekkül, el-Hâc Abdi b. Mahmud, Mehmed b. Mustafa, Hüseyin b. Mustafa, Ali b. Bâli.