Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 381 Hüküm no: 438 Orijinal metin no: [69b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstanbul’daki dikicilerin Hacı Mustafa b. Ali’yi dikicibaşı seçmesi Mahmiye-i İstanbul’da vâki‘ dikici tâifesinin yiğitbaşı olan Mehmed Çelebi b. Veli ve ihtiyârlarından Mehmed Çelebi b. Hasan ve Bayram b. Muharrem ve Osman Çelebi b. Ali ve Mustafa b. Hüseyin ve Hüseyin Çelebi b. Ali nâm kimesneler meclis-i şer‘-i şerîf-i enverde tâife-i mezbûrdan işbu bâ‘isü’l-kitâb el-Hâc Mustafa b. Ali mahzarında her biri takrîr-i kelâm edip hırfetimize bundan akdem bâ hüccet-i şer‘iyye dikicibaşı olan Habib nâm kimesne medyûnen firâr etmekle umûrumuz muhtel ve müşevveş olmağın mezbûr el-Hâc Mustafa husûs-ı mezbûrun her vechile uhdesinden gelmeğe kādir olmağla mezbûru beynimizde dikicibaşı nasb ve ta‘yîn eyledik, hâlâ taraf-ı şer‘-i şerîfden vesîka tahrîr olunmak matlûbumuzdur dedikde işbu vesîka-i enîka alâ mâ hüve’l-vâki‘ bi’t-taleb ketb olundu. Fi’l-yevmi’l-hâdî aşer min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: İbrahim Çelebi [b.] İslâm, Mehmed Çelebi b. İdris, Ebûbekir [b.] Hüseyin, Ali b. Bâli.