İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 481 Hüküm no: 432 Orijinal metin no: [81a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mıgırdıç v. Agop’un, Ohancan’a vekaletinin geçersiz olduğu 3100 guruş men‘ Ma‘rûz Sahib-i arzuhâl Poliçeci Erzurumlu Mıgırdıç v. Agop zimmî meclis-i şer‘-i münîrde derûn-ı arzuhâlde ismi mezkûr Esir Çelebi Ahıskavî Süleyman Ağa b. Mehmed muvâcehesinde hâlâ Erzurum’da mütemekkin Ohancan nâm zimmînin merkūm Süleyman Ağa zimmetinde üç bin yüz guruş alacağı olup beni da‘vâ ve kabza tarafından vekîl etmekle bi’l-vekâle taleb ederim deyü da‘vâ edip lâkin müdde‘î-i mersûm Mıgırdıç zimmî müvekkil-i mesfûr Ohancan zimmînin henüz babası ismini bilmeyip nesebini beyâna kādir olamamağla tesâddî eylediği vekâlet da‘vâsı şer‘an mesmû‘a olmadığı İstanbul Mahkemesi’nden huzûr. Fî 23 min-Z sene 1242