Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 386 Hüküm no: 445 Orijinal metin no: [71a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Receb’in Osman b. Musa’dan muhâlaa yoluyla boşandığı Hul‘ El-Hâc[e] Hâtun mahallesi Mahmiye-i İstanbul’da el-Hâc[e] Hâtun mahallesi sâkinlerinden olup zâtı ma‘rifet-i şer‘iyye ile ârifân Mustafa Çelebi b. Receb ve Ahmed Çelebi b. Hızır ta‘rîfleriyle mu‘arrefe olan Ayşe bt. Receb nâm hâtun meclis-i şer‘-i şerîf-i enverde zevc-i muhâlı‘ı işbu bâ‘isü’l-kitâb Osman b. Musa mahzarında ikrâr-ı tâm ve takrîr-i kelâm edip mezbûr Osman zevcim olup beynimizde hüsn-i zindegânîmiz olmamağla zimmetinde mütekarrir ve ma‘kūdun-aleyh olan yedi yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Osman muhâla‘a-i sahîha-i şer‘iyye ile muhâla‘a edip ol dahi ber vech-i muharrer hul‘-ı mezbûru kabûl eylediğinden sonra hukūk-ı zevciyyete müte‘allika âmme-i da‘vâdan her birimiz âharın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledik dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâlis aşer min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Mustafa b. Receb, Ahmed b. Hızır, Mehmed b. İdris, Mehmed b. Hüseyin, Ali b. Sunullah.