İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 136 Hüküm no: 11 Orijinal metin no: [17a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Peygamberimizin doğum günü sebebiyle kadınların çadır seyri ve mevlid seyri adı altında Sultanahmet meydanı’nda toplanmalarının yasak olduğu Bâ-sah. Nisâ tâifesine mevlüd alâyı yasağı fermânı sene [12]38. Beher sene dîrîne-i kadîme-i saltanat-ı seniyyeden olduğu üzere istimâ‘-ı menkabet-i velâdet-i hazret-i seyyidü’l-enâm zımnında zât-ı şevket-meâb-ı hazret-i pâdişâhî Sultanahmed Câmi‘-i şerîfini teşrîf ile ol gün mevlid seyri ve bir gün evvel çadır seyri diyerek nisâ tâifesi Sultanahmed meydânı’nda birikmeği âdet etmişler ise de geçen sene olduğu misilli işbu sene-i mübârekede dahi nisâ tâifesinin mevlid seyri ser-riştesiyle öyle mecma‘-ı ricâl olan mahalde bulunmamaları husûsuna irâde-i seniyye ta‘alluk etmiş ve keyfiyet izzetlü Yeniçeri ağasıyla Cebecibaşı ağaya başka başka fermân-ı âlî <<ısrârıyla>> ısdârıyla tenbîh olunmağla siz dahi bi’l-cümle eimme-i mahallâtı celb ve işbu Çarşamba günü mevlid seyri ve bir gün mukaddemi olan Salı günü çadır seyri ser-riştesiyle nisâ tâifesinin sokağa çıkmaları yasağ olduğunu mahalleleri ahâlîsine beyân ve tefhîm eylemelerini tenbîh eyleyesin deyü. Fî 9 Ra sene [12]38.