İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 139 Hüküm no: 16 Orijinal metin no: [18a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Herkesin dükkân ve evleri önünde oluşan buzları temizleyerek gelip geçenlere kolaylık sağlamaları Bâ-sahh-ı âlî. Esvâkda olan kar ve buzların tathîrine tenbîh. Bi-irâdetillâhî te‘âlâ işbu sene-i mübârekede miyâhiyânın şiddeti ve karın kesret üzere nüzûlü cihetiyle sokaklarda terâküm eden kar mürûr u ubûr mülâbesesiyle buz tuturak ibâdullâhın rü’yet-i mesâlihi’çün gezmekden giriftâr ve meşakkat olduğundan başka bir tarafdan harîk zuhûr etmekde ise de ve bâ-husûs me’mûrîne zararı müstelzim olduğundan bunun bir çâresine bakılması îcâb ederek herkes dükkân ve hânesi önünde olan buzları kırıp bir tarafa yığarak sokakların tathîriyle mürûr [u] ubûr eden ümmet-i Muhammed’i muhâtaradan vâreste olmaları vesâilinin istihsâli lâzımeden olmağla imdi eimme-i mahallâtı celb ile herkes dükkân ve hânesi önünde olan buzları kırdırıp atlı ve piyâde mürûr [u] ubûr eden ibâdullâhın muhâtaradan vâreste olacak sûretde sokakların tasfiye ve tathîr ne makūle esbâba menût ise istihsâl eylemelerini mahalleri ahâlîsine ifhâm etmeleri husûsunu tenbîh ve tekîde mübâderet eyleyesin deyü. Fî 28 R sene 1238.