İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 164 Hüküm no: 46 Orijinal metin no: [24a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul sokaklarının temizlenmesi Bâ-sah. İstanbul kādısı fazîletlü efendi Sokak tathîri. Âsitâne-i aliyye sokakları harr ü hâşâk ile mülevves olduğundan süpürülüp tathîr olunması bâbında mukaddemâ beyaz üzerine fermân-ı âlî ısdârıyla tenbîh olunmuş ise de verâsı aranmadığından yine sokakları süpründü ve köpek ve kedi lâşesiyle mülevves olup ta‘affününden ibâdullâh müteezzî olduğundan süpürülüp tathîr olunmasını nezâfet kabîlinden olarak keyfiyet izzetlü Yeniçeri ağasıyla Cebebaşı Ağa’ya ve Çörçöp Subaşına başka başka fermân-ı âlî ısdârıyla tenbîh olunmuş olmağla imdi Divanyolu vesâir sokaklar semt semt tenbîh ve tekîd olunarak süpürülüp aslâ harr ü hâşâk kalmamak üzere tathîr eylemelerini iktizâ edenlere ekîden tenbîhe dikkat ve mübâderet eyleyesin deyü. Fî 15 Z sene [1]239.